Il project ACTIVDISPENS® è ina collavuraziun tranter la Gruppa da lavur svizra per trenament da reabilitaziun SART, l’Associaziun svizra per il sport en scola ASSP e l’Ospital universitar d’uffants da Basilea UKBB. Il project vegn sustegnì da l’Uffizi federal da sport UFSPO.
SART – La Gruppa da lavur svizra per trenament da reabilitaziun è la rait per reabilitaziun e trenament. Ella s’engascha per ina prevenziun e guariziun optimala da blessuras da l’apparat motoric da l’uman. Commembers da la SART èn fisioterapeuts, scolasts da sport e medis. Experientschas fundadas, controllas da qualitad ed innovaziun èn elements fundamentals per la SART. Spezialists ed experts cumpetents intermedieschan lur enconuschientschas professiunalas e studis scientifics relevants per la pratica. La purschida da perfecziunament cumpiglia offertas da prevenziun, reabilitaziun e fisioterapia da sport. Ina finamira speziala da la SART è il trenament cun paisas libras e la terapia da trenament medicinala. www.sart.ch,
www.facebook.com/sartschweiz
ASSP – L’Associaziun svizra per il sport en scola ASSP è l’organisaziun professiunala dals scolasts da moviment e da sport en Svizra. L’ASSP s’engascha per l’educaziun da la motorica e l’educaziun sportiva en scola e per la promoziun dal moviment en il mintgadi da scola. Ultra da quai offra ella purschidas e perfecziunaments per scolasts da sport en il sectur tecnic-sportiv e pedagogic-sportiv e defenda ils interess spezialisads ed ils interess da la politica professiunala da las persunas d’instrucziun da sport da tut ils stgalims. www.svss.ch
UKBB – L’Ospital universitar d’uffants da Basilea è in center da cumpetenza universitar independent per la medischina d’uffants e giuvenils sco era per l’instrucziun e perscrutaziun. Sin l’emprim plaz stat per l’UKBB il respect envers l’uffant u il giuvenil e ses geniturs. Sias finamiras cumpiglian la tgira cumplessiva d’uffants e giuvenils malsauns, l’engaschi per ina prevenziun efficazia en dumondas da sanadad e l’obligaziun a la persistenza da la ballantscha da la solidaritad sociala, l’effizienza economica e la responsabladad ecologica. www.ukbb.ch
