Didactica

Tips per il diever

Qua chattais Vus insaquants tips co lavurar il meglier cun la pagina-web ed ils agids purschids.

Avant ch’il catalog d’exercizis vegn applitgà l’emprima giada, duessan las scolaras ed ils scolars vegnir infurmads davart las pussaivladads ed il diever da “Sa muventar malgrà ina dispensa da sport”.

Per il diever sin il stgalim sec I recumandain nus da stampar ils exercizis, d’als laminar e laschar lavurar las scolaras ed ils scolars cun ils documents stampads. Il diever da computers, iPhones, iPads, etc. pudess distrair memia fitg ils scolars.

Sche las scolaras ed ils scolars possedan gia avunda autocumpetenza, als pon ins era laschar lavurar cun apparats cun access a l’internet.

In curt sguard da controlla tranteren dat a las scolaras ed als scolars il sentiment da betg esser bandunads ed emblidads. La persuna d’instrucziun ha plinavant la segirezza ch’ils exercizis vegnian propi fatgs.

Sche l’autocumpetenza n’è anc betg sviluppada fermamain, fan ins lavurar las scolaras ed ils scolars tant sco pussaivel sulets, perquai ch’els pudessan uschiglio distrair memia fitg in l’auter.

In pitschen contract cun las scolaras blessadas ed ils scolars blessads po sustegnair l’autocumpetenza. Quel pudess tunar circa uschia: “Sche jau sun blessà/-ada, fatsch jau ils exercizis ch’èn pussaivels per mai cun agid dal catalog, e quai a moda autonoma e separà da la classa.”